果日同亞立去海邊釣魚,因為太大風了
而且太凍了,我地兩個只好在無收穫的情況下就走人了
不過講真,再比我多幾倍的時間我都係釣不到魚的了
因為小時候我已經係一個冇心機釣魚的人,
果時同亞立,亞甘去釣魚,只是得我一個釣不到魚
都係因為我冇咩耐性.
釣完魚番到大角咀,比我見到我以前住的天台屋
感覺依然係好深刻的,果時我要每天走十屋樓梯先回到家
所以鍛鍊出一個好體格,而且在打風時
屋子是會搖晃的,我們是在屋中都感到台風的威力的一家
還是住在大角咀的時候,好多時都同亞毛打機打到好夜先回家
之後就在我家樓下傾計,一傾就傾兩,三個鐘
我地都係感到凍先知道夜了,
因為每天的零晨4點是最凍了
當我們感到凍,我地就會自自然然回家
以前好多老鼠出沒,老豆就買老鼠籠回來捉老鼠
不過每天醒來捉到的都不是老鼠,而是小貓
由此可見,老鼠是醒目d的
以前打ball好快就可以同亞立你地去晏架街打
不過都係走埸多,多得亞立教我地走埸
我識路識得咁快
不知不覺搬左6年了
家人們都忘記了天台的生活
好似只有我還記得這麼深刻
可能係因為我在天台住的幾年是我人生變化最多的幾年
好似咩野都係咁值得記住
特別係果時一齊玩的好友,你地知道我住天台都同我玩
果時的感情是最真的
所以我一直把d班好朋友當做好重要的人
亞立還把我起了個花名,叫做'天台王子'
真係好懷念天台